من أقوال عبدالرحمن بن سعود رحمه الله

بسم الله الرحمن الرحيم

السلام عليكم ورحمه الله وبركاته...

من اقوال الزعيم الرياضي الراحل

صاحب السمو الامير::

عبدالرحمن بن سعود....رحمه الله

___________________

مره في برنامج على الهواء دقت وحده وسألته سؤال مباشر,,

انت امير مهوب المفروض انك تجلس في الملعب المفروض تجلس مكان الامراء,,؟؟

رد عليها قال: والله يأختي لو هي على المفروض كان المفروض انتي بالمطبخ..وش دخلك بالرياضه؟؟!!

_________________

ومره سأل عن احسن فنانات الخليج,,؟؟

فأجاب:احلام وجواد العلي,,!!
________________

ومره في برنامج على قناة الجزيره عن كأس العالم ,,

وكانو يتكلمون عن استضافه كأس العالم في السعوديه,,

فأتصل شخص من دوله الكويت ويقول في وجه نضره ان السعوديه لاتستطيع استضافه كأس العالم..

ولاتستطيع استضافه انديه العالم ..لانها كما ذكر تحتاج الى امكانيات عاليه ..,,

فأتصل الامير عبدالرحمن بن سعود,,مباشره بعد الاخ الكويتي,,فشكر الاخوان على الموضوع المطروح..

وقال:انا اتصلت تعقيبا على كلام الاخ الكويتي الي اتصل ويقول ان السعوديه لاتستطيع استضافه انديه العالم,!!

ياعزيزي السعوديه استضافت دوله بحكامها وشعبها وانديتها ولمده اطول من كأس العالم ,,

كيف ماتقدر تستضيف بطوله,,!!!!
_________________

ومره يقال ان شخص قال لـ الامير عبدالرحمن ان ماجد عبدالله يلبس سلسال ذهب على رقبته,!!

رد عليه الامير عبدالرحمن:ياخوي ألبس رشرش والعب نصف لعبه,,!!

________________

وسئل مره ليش دايم يقال الهلال والنصر,,لايقال النصر والهلال مثلا,,؟؟!!

فرد الامير عبدالرحمن:ياخوي بعد تراهم يقولون سيداتي سادتي,,!!

_______________

فيه اربع ماكتبتهم لان اخاف من التعصب من بعض الاعضاء وهو ميت رحمه الله عليه (وذكرو محاسن موتاكم)

طبعا هذا الموضو انا جتني عن طريق رساله وسائط لان خوياتي يعرفون اني نصراويه

وعجبتني وقلت انزلها موضوع ترى تعبت عليها يعني ابي الكل يطلع عليها ويرد

انتو مستغربين ان مالها مناسبه بس انا كتبته عشان تشوفون

روح الامير عبدالرحمن كيف مرحه ورياضيه حتى ردوده تلاقيها موزونه

انشالله يعجبكم الموضوع

بليز كل واحد يطلع ع الموضوع يترحم على الامير عبدالرحمن بن سعود

اللـــه يرحمه ويسكنه الفردوس الاعلى أمـيـن